2016年10月17日 星期一
【這就是堅持】狗狗每日都要喺樓下叼隻公仔上嚟侍寢
做皇帝好唔做？做皇帝梗係好啦，因為每晚都可以翻牌子揀唔同嘅後宮佳麗侍寢呀嘛～而講到侍寢，呢隻叫Mojito嘅狗狗都唔弱，事關佢每日都一定要叼一隻公仔去樓上陪自己瞓覺覺豬呀！嘩，乜咁有生活態度呀？
聽Mojito嘅主人Kim Downie講，佢曾經試過將啲公仔拎返落樓下，但Mojito都會默默咁叼返上嚟?～嗱，呢啲咪堅持囉！你哋班廢青有冇呀？
阿Kim Downie仲話，每次Mojito揀玩具都唔係求其叼一隻就算，而係經過好慎重嘅考慮先決定揀邊隻公仔㗎。
狗狗表示：咁多妃子畀我揀，唔諗清楚啲點知自己會唔會唔小心冷落咗是旦一位妃子呀？
btw，每日都要諗揀邊位妃子陪自己瞓覺又真係幾煩嘅，好彩毛毛乜都冇得揀先唔使咁煩啫，55。
