喺香港，成日都會見到主人帶住汪星人散步，不過似乎就唔興帶喵星人出街喇～而且香港人多數都住喺大廈，貓奴仲要裝晒窗花，擔心喵星人爬咗出去?呀！但係睇返外國，好多人都係住一兩層嘅獨立屋，所以會喺地下整度細門仔畀聖上自己出街街嘅～

外國有個住二樓嘅貓奴因為業主唔畀佢整貓洞，所以就特登整咗長長木梯畀聖上爬上去呀！

佢住緊間屋係17世紀嘅建築，可能業主唔想破壞間屋原貌啦，所以就唔畀佢喺門口整貓洞，貓奴就唯有親手整咗條足足7米長嘅木梯畀聖上直接行上去喇～咁以後聖上鍾意幾時微服出巡都得啦！

咁辛苦都係為咗可以同喵星人開開心心咁生活落去，係愛呀！養寵物係一生一世嘅承諾，發生咩事都好，最緊要一家人齊齊整整，唔好棄養呀！

封面圖片、資料來源連結：The Sun、SWNS TV／YouTube