喺香港地，相信有一半人嘅理想都係成功買到間屋，而另一半人，就係想買到兩間屋，一間自住，一間放租，變相Un un腳就有人幫你供樓吖嘛。不過唔好諗到放租真係咁簡單呀，如果遇著個奇怪租客就慘喇！

台灣有網民個親戚已經租咗間屋畀人做臘腸工場十幾年，不過由於租客一直都有準時過數，親戚又年紀大，所以咁耐以嚟都冇去睇過間屋。到咗最近佢哋聽講個租客搬走咗，於是網民就畀佢親戚點咗去收屋喇，點知，一開門，竟然見到咁樣樣嘅畫面…… 

嘩！成間屋已經唔可以淨係用「污糟」嚟形容，直頭好似畀火燒過嘅廢墟咁，隔住個mon都覺得又黑又臭呀！

到底咁嘅環境，係咪真係可以炮製出好味啲嘅臘腸呢……毛毛淨係知出年新年都唔會夠膽食煲仔飯同蘿蔔糕……

有網民仲話呢輯相愈睇愈心寒，覺得窗口好似有對眼望緊鏡頭咁呀…… 聽post相嘅網民講，個奇怪租客搬走嘅時候冇通知佢哋，到而家都未聯絡到佢，唔知佢發生咩事、去咗邊呢？咦喂，咪住先，業主呀，你係咪真係肯定佢唔喺屋入面㗎……？

封面圖片、資料來源連結：李俊良 

睇埋：【無敵破壞王】點解個租客可以搞到間屋咁樣樣