東京嚟講，平時各位廢青sss就去得多，但東京入面嘅小故事你哋班廢青sss又知幾多吖？嗱，唔知吖嘛，唔知就等毛毛話過你哋知啦！

話說，喺日本東京葛飾區度有間你行過都未必會望嘅50年菓子老店。本來呢度嘅老闆內山先生因為年事已高嘅關係，兩年前就已經想執咗間舖，但因為擔心漏低呢個袋嘅客人有日返到嚟會搵唔返個袋，所以內山先生就堅持每日開舖喇！

雖然而家內山先生間舖已經唔再賣糖果，舖頭入面只係得返少量嘅香煙可以賣，但佢依然期待有日可以物歸原主。

老老77，唔好話因為一個三唔識七又唔知會唔會再出現嘅人吖，又算係為咗一個fd子，毛毛都未必有咁嘅毅力為人為到底啦！所以內山先生呢份心意真係好難得，希望內山先生唔會「等又再等～為你等又再等～始終等你不到～」啦！

資料來源：rocketnews24