古乳有暈「養兒一百歲，長憂九十九」，如果係真嘅話，生女嘅咪要憂足一百零一？養到個女咁大，相信阿爸阿媽最驚就係寶貝女細細個就識著個死臭飛，搞出人命，要佢哋未飲女婿茶就抱孫，兼無限期延遲退休計劃養大埋個孫。

台灣有個媽咪，發現乖女竟然偷偷地收埋呢樣嘢！佢梗係嬲到爆，立馬衝去搵個死女包對質，問佢點可以大學都未讀書就有BB啦！

就聽下阿女仲有得好點解釋！咩又貓又社團呀！總之阿媽而家好火燒心呀好氣頂呀畀你個衰女激到生蝦咁跳呀唔聽呀唔聽呀我唔聽呀！

下？咩話？原來呢條咁似驗孕棒嘅嘢係貓瘟試紙？有兩個格仔又有幾條線，又好難怪Auntie會睇錯嘅……原來有唔少乖女都試過因為阿媽擺烏龍而無啦啦畀人鬧一大餐，真係唔知邊個激死邊個喇。

有貓瘟試紙之亂，又點少得犬瘟試紙之役呢。

可能毛毛讀得書少啦，原來世界上有樣發明叫感冒試紙㗎！個樣咁似驗孕棒，就原諒Auntie啦！Between，聽人講傻瓜係唔會感冒，唔怪得毛毛未見過……

至於當咗溫度計係驗孕棒就……又係過份啲嘅Auntie，今次真係毛毛都幫你唔落喇，你咁同台灣記者將溫度計當係間尺量度積雪厚度有咩分別喎！

封面圖片、資料來源：dcard

睇埋 : 阿媽以為包海綿玩具係毒品 嬲到即刻召囡囡返歸