一套動畫或電影，點都會有個奸角，如果唔係得主角一個點撐得起成個場面？有啲奸角奸到出汁，會一路睇一路戥主角唔抵，但有啲奸角，唔知點解真係嬲極都嬲唔落。

公平咩？

1. 《反斗奇兵 3》－勞蘇

Andy要升大學，將胡迪、巴斯光年佢哋捐去陽光托兒所。原來，托兒所裡面，係由大佬勞蘇掌控住，佢唔理胡迪、巴斯光年畀班細路玩到甩頭甩頸，甚至困住薯蛋頭，壞事做盡，唔畀佢哋離開托兒所。

勞蘇見住胡迪同巴斯光年就快畀焚化爐焚燒時，雖然有一刻猶豫都唔出手。
 

不過，佢嘅粗眉大眼、士多啤梨味嘅身體，而且佢係由Benz雄配音，就算幾衰都會即刻原諒佢！

2. 《反斗小王子》－三隻小妖
三隻小妖本來受大魔王嘅指令，要邪留丸將魔王令交出嚟，雖然日日都鍥而不捨咁搵邪留丸，但都冇一次係成功嘅！

藍色係青兵衛，紅色係赤根，黃色係黃助。

佢哋個樣實在太得意，完全冇威脅性！
 

3. 《寵物小精靈》－火箭兵團

每一次睇寵物小精靈都會聽到：

「我地兩個係魅力四射既奸角，武藏 、小次郎」

「仲有我喵喵怪，喵」

次次都失敗嘅火箭兵團，有時都幾狡猾，但成日都好期待佢哋出場捉比卡超，默默為佢哋加油。

其實火箭兵團本身係好人，甚至有人話佢哋比起小智更珍惜同尊重班寵物小精靈。

如果毛毛係隻寵物小精靈，都想跟佢哋呀！

4. 《哈利波特》－馬份

由第一集到第七集，含住金鎖匙嘅馬份主要角色都係欺凌其他人，成日都言語上同身體上攻擊哈利波特，又鍾意篤人背脊，其實理應幾刻人憎吓，但又完全冇呢個感覺喎...

細個嘅馬份真係好得意呀！

其實毛毛一直都有少少期待，馬份可以好似屎屍式韓劇咁，最後會同妙麗一齊...

5. 《Thor》－ Loki

雷神嘅細佬Loki，好妒忌係Odin親生仔嘅雷神，而且一直都想上位，想成為Asgard嘅統治者。

喺復仇者聯盟中，仲諗住征服埋地球。雖然反轉晒成個地球，但睇嘅時候完全冇憎過佢。

Loki同雷神嘅關係都幾複雜，一方面又想搶走Asgard，另一方面，又會搏晒命幫Thor救Jane。媽，好亂呀！

睇完?六位奸角，唔知大家又有冇其他推介呢？