有養寵物嘅朋友，多數都會當寵物係自己BB咁錫，得閒仲會買靚衫仔畀佢哋cosplay，影返幾張搞笑相留念～

好似扮小精靈咁吖，雖然就唔係神還原，不過勝在夠打耳吖嘛！[宮澤先生tone]狗狗㗎！好靚仔㗎！爸爸鍚晒你㗎！話時話，成日都淨係見到汪星人cosplay，唔通喵星人咁高智慧都唔識玩cosplay嘅？

等我變身先～！呢度咪有隻扮緊穿靴子的貓嘅喵星人囉！加埋啡啡哋嘅毛色，相似度高達99%呀！主子著咗對皮靴係咪即刻威過威士忌先？

喵星人仲要特登舉起隻腳仔欣賞下自己對新鞋，睇佢個樣，應該心諗：都算個奴才識貨，進貢完罐罐又進貢皮靴～哎喲本喵對腳真係好修長呀而家喵～

似到咁嘅地步，毛毛真係懷疑主子每次想食罐罐都會exactly係呢個超萌嘅大眼仔樣！

溫馨提示：對皮靴其實係洋娃娃嘅配件嚟，幫喵星人著一陣影張相就可以，但係唔好用嚟畀佢長期著住呀，如果唔係會令到喵星人覺得唔舒服甚至影響身體健康㗎。

封面圖片、資料來源連結：tora_pom_happylife／instagram、IMGMD／NAVER BBOOM 　

睇埋：【眼神死】捉唔到比卡超惟有搵自己隻狗扮住先啦！