呢幾日打大風，最慘就係就算你為咗唔使迫地鐵迫巴士，肯闊佬搭一次的士，都仲要橫風橫雨同人爭呀，畀你爭到又點呀，司機大佬又同你講要加兩嚿……不過平時唔打風嘅日子，都兜路唔過海唔找毫子㗎啦，慣㗎喇慣㗎喇。

成日聽人講台灣人好nice，唔通nice到連的士大佬都會nice過人？事關有個台灣網民話佢同朋友去台南玩嘅時候無啦啦好想去某間餐廳食飯，但又唔識搭巴士，所以就伸隻手出嚟截的士，等咗一陣，真係有架車停低喺佢哋面前呀！咁易截到的士真係好幸福呀！

不過，點解架車寫住中華電信嘅？毛毛聽講台灣的士車門會寫住司機個大名㗎啵？原來呢架，笨唔係幾位少女夢寐以求嘅的士，而係中華電信嘅工程車……當佢哋發現自己7到核爆嗰一刻，世界應該靜止咗，畀著毛毛係個司機，仲會用呠呠聲彈返首歌畀佢哋聽：好大陣?味傳入我的鼻～

睇返先，其實台灣的士，係咁樣樣嘅。55，大家都是黃色，大家都有四個轆，不用分哪麼細啦。

封面圖片、資料來源連結：chen7982225／PTT