2016年10月22日 星期六
【生活智慧王】有尖叫雞，倒車冇難度！
老老77，其實倒車真係一個高難度動作嚟，你哋見野原廣志次次見到美伢倒車都驚到面青青咁就知啦！不過唔緊要，而家唔識倒車的人有福了，因為最近有位網民同大家開心些牙咗一個經濟又實惠嘅倒車神器－尖叫雞！
冇錯，只要大家用膠紙將隻尖叫雞黐實喺車尾，隻尖叫雞就會喺你撞車嘅時候發出巨大尖叫聲，而且佢用嘅軟膠物料本身仲有防撞功能?（好似係），咁就包保你架寶貝車唔會咁易出事啦！喂，一隻尖叫雞頂盡都係十零廿蚊，抵到咁你哋唔係唔黐返隻喺車尾呀？
btw，雖然呢隻尖叫雞嘅叫聲仲響過蔡分貝，不過聽講尖叫雞係要你放手嗰下先識叫㗎喎……咦，咁咪即係要撞到再彈開先有聲？
假如呢隻尖叫雞可以進化到好似呢位台灣尖叫姐咁，識得自動發聲兼hold到成分鐘咁耐，咁就真係perfect池噜～
