下星期就Halloween喇喎，諗好扮咩去Party未先？聽講今年九成妹豬都終於肯放棄將唔同職業淫娃化嘅理想，轉做扮癲喪小丑女出動喇，不過唔夠hot唔夠sexy，又好難扮到嗰種味道嘅，不如簡簡單單整返魔鬼少女look，可能仲少人同你撞款呀。

最近有個日本娃娃就喺twitter同大家分享佢嘅Halloween造型喇，佢眼又大大，仲有尖尖嘅下巴，加埋冇得輸嘅齊陰同孖辮，天使嘅面孔加埋魔鬼嘅造型，真係好卡哇依呀！嚟啦小惡魔，嚟瘋狂懲罰我啦！

咦，Hi Auntie，乜咁啱嘅？惡魔少女真係孝順喇，又會post埋自己媽媽張相上twitter都有嘅？

唔係喎，原來呢個先係惡魔少女真身！佢素顏個樣同化行妝真係差太遠，毛毛先係畀佢嚇一跳，然後得啖笑呀！不過冇嘢阻止到毛毛想飛去日本搵佢嘅決心㗎，唔係搵佢合照呀，係叫佢收我做徒弟教我點樣可以化妝化到整容咁呀。內在美與外在美（化妝後）並重嘅女仔真係好少有㗎喇！

聽人講日本嘅女仔好重視化妝，為咗將自己最靚嘅一面呈現畀另一半睇，甚至會早過darling成個鐘起身化妝。唔知呢個卡哇依大眼妹又要早幾多日起身喬妝呢……？

メーーーイクアップ！ pic.twitter.com/tDaTu7QXt8

— 砂糖るき(無職) (@rukiruki00) October 23, 2016

封面圖片、資料來源連結：rukiruki00／twitter

 延伸閱讀：

【情何以堪】14歲仔自拍化妝變靚姐姐

【濃妝寶寶】Beauty Blogger搽100層粉底搽到咁樣樣