聽講，年齡係女人嘅咪咪，不過呢句說話又唔係一世都啱用嘅，年紀愈嚟愈大，自然乜都睇化晒啦，仲邊會介意人哋知佢幾歲啫，所以話，永恆真理就只有「女人針，海底心」呢一句。

最近日本有個乖孫女同佢嫲嫲慶祝生日，知道嫲嫲68歲生日，仲特登喺蛋糕上面插足68支蠟燭呀！又買蛋糕又買咁多蠟燭，真係孝順喇！

不過堆蠟燭就合體變咗一個小火場呀！唔止蛋糕呀，連啲蠟都溶晒，生日啫，都唔使咁樣樣「慶燭」下話……？

大家隔住個mon都feel到雄雄烈火有幾熱呀，但係睇慣世面嘅阿嫲就表示老子甚麼都不怕，繼續淡淡定定吹蛋糕，食蠟燭！

乖孫女呀，而家個世界好進步，一早已經發明咗數字蠟燭㗎喇，唔想生日變生忌，出年就識做喇…… 

封面圖片、資料來源連結： Aatankobu／twitter