如果要揀最想要嘅叮噹法寶，冇得傾，隨意門一定係其中之一！

一打開道門想去邊就去邊，完全唔使依賴交通工具，仲唔係成功男人嘅典範！最重要係返工放工時間唔使再迫港鐵迫巴士，呢下爽皮吖嘛！最近偉大嘅強國都整咗道門出嚟，不過竟然係起喺棟大廈屋頂上面？

呢個造型咁奇特嘅大門，冇人知道佢起嚟係做咩。住喺附近嘅居民都叫佢做「上帝之門」，咦照咁講係咪即係話穿過道門就會帶你上天堂呀？

少年你太年輕了，其實強國不嬲都鍾意起啲有咁大得咁大嘅建築物出嚟㗎啦！好似之前個毛主席黃金像咁，咪又係成個進擊的巨人咁樣樣：

不過聽講呢個毛主席像起咗幾個月之後就已經畀人拆咗喇……唉連毛主席都冇面畀，睇嚟呢道門都應該好快收檔，未帶到人上天堂，自己就已經上咗天堂先喇！唔緊要啦，等毛毛送返幾個門字部嘅字畀佢哋先！大家都是門，不用分那麼細嘅～

圖片來源、資料來源：北方網

強國巨型藝術裝置回帶：【烏蠅都嚇死】百萬金毛主席is watching you、

【又係強國】借問聲呢個雕塑係咪叫多嚿魚呀？