喺日本，如果流浪動物喺收容所經過一定時間之後都冇人領養，有機會被安樂死，而呢隻混種狗狗都唔例外……不過好彩，一位來自佐賀縣伊萬里嘅義工就喺呢隻狗狗安樂死嘅前一日領養咗佢，令狗狗唔使安樂死之餘，仲可以過幸福快樂嘅生活?！

通常畀人遺棄過嘅狗狗都會對人類有戒心，不過呢隻狗狗笨冇因為自己嘅經歷而怕人類，反而佢仲好親近呢位救咗佢嘅義工。唔止咁，義工後來仲毛意中發現咗狗狗接飛碟嘅潛能，嘗試畀佢參加比賽，最後狗狗仲喺3場飛碟大賽入面，拎咗兩個冠軍同1個亞軍?！一個字：狗狗勁揪！

曾經，佢一隻畀人遺棄嘅狗狗，但而家佢已經脫胎換骨，成為浪浪界入面嘅希望之星喇！真係多得呢位義工嘅出現，狗狗先唔使埋沒佢嘅天份。

資料來源：佐賀新聞