作為一個專業嘅老母，緊貼潮流，時時刻刻都save定啲長輩圖喺手機是常識吧～不過咁，點玩長輩圖先叫玩得專業呢？毛毛唔用說話嚟答你哋，毛毛用呢位台灣網民嘅例子嚟答你哋。

話說有台灣網民就話自己阿媽毛啦啦隊咗部手機埋嚟，話有條片想畀佢睇啦，點知睇下睇下就有人Line佢阿媽，然後佢阿媽就打開咗個叫「晚安」嘅相簿，喺入面揀咗張長輩圖send畀嗰個人喇……原來呢位網民嘅阿媽除咗有send長輩圖嘅習慣之外，仲會將啲長輩圖分晒album㗎喎！嘩，會唔會太pro呀？

不過咁，將啲長輩圖save低兼分晒album都未算最pro，識玩梗係好似另一位網民嘅阿媽咁自製長輩圖，用自己嘅自拍嚟做長輩圖嘅background，即係背景啦！

Btw，雖然用自拍嚟整長輩圖呢個諗法真係好出色，不過呢位網民就唔係咁欣賞嘞，佢仲話：「為了防止媽媽把這東西散播出去，當然是馬上阻止她啊！果然，長輩圖是沒有極限的……」

資料來源：dcard（1）、dcard（2）