早多十年八年，Cosplay都仲未係咁流行，如果同人講你係Cosplayer，人哋聽到實嘩嘩聲！不過今時唔同往日喇，不知幾多後生仔鍾意Cos唔同嘅動漫人物，甚至連汪星人都加入Cosplay行列呀！

日本呢隻汪星人成日都塞個頭入唔同紙皮扮唔同嘅嘢，今個秋冬最新嘅look就係扮單車喇。佢淨係用個鼻仔都頂得起成架單車，睇嚟訓練有素啵！

佢之前都扮過唔少動物㗎，無論成塊面定淨係突個鼻仔出嚟都一樣咁打耳！見到都想同佢玩擦鼻鼻呀！

估唔到佢連扮掌門人都似模似樣啵！嚟，指定動作！下星期再見，多謝大家！

好多狗狗畀主人咁玩法都會眼神死，難得佢又笑咪咪咁，抱住樂觀嘅態度面對狗生，都幾值得我哋學習呀！我哋平時又何嘗唔係戴住唔同面具擠個笑容出嚟畀人睇呀。

 弱弱一問，有冇人同毛毛一樣，睇完咁多張相之後已經唔記得一隻狗仔本身應該係咩樣……

#段ボールエクスカリバーの動画はこんな感じ pic.twitter.com/i1y1pjyLmW

— 千羽 (@myouonnin) October 22, 2016

封面圖片、資料來源連結：myouonnin／twitter

延伸閱讀：

【眼神死】捉唔到比卡超惟有搵自己隻狗扮住先啦！

【零違和感】超打耳柴犬一秒變伊貝