成日都聽到啲女同事話去整咩Gel甲，嗱毛毛呢啲毒L就唔識咁多潮流嘢嘅，見到啲又長又尖嘅Gel甲個腦都只會諗起一個字：整到咁，仲做唔做到嘢㗎？不過原來Gel甲，都有實用款㗎喎！

最近日本有個超鍾意学園ハンサム遊戲嘅粉絲，居然自己整咗呢幾款有唔同學長嘅Gel甲出嚟呀！

介紹返先，因為呢個遊戲嘅角色個個塊面都尖到一個點，所以呢個粉絲整到啲Gel甲咁樣樣，都係一件好合理嘅事嚟。

嗱之不過佢哋唔係得個尖字㗎！有時如果想開信封、開封箱膠紙，甚至露營嘅時候想開罐頭，只要你擁有呢款指甲，呢個世界就已經冇嘢可以難到你㗎喇！得一甲，得天下！再唔係咯，咪學埋呢個coser咁，索性連自己個樣都變埋做美劍學長囉！

當兩隻手都唔夠用嘅時候，用埋塊面嚟切，真係生果刀都唔使帶，去到世界各地都可以食水果乜乜乜啦！

圖片來源、資料來源：boribori_pine／twitter