2016年10月27日 星期四
【最佳親子活動】老竇同兩個囝囝一齊自製cos服扮紅白機
聽講而家呢個年代嘅家長，個個同囝囡之間都有好多互動，啲親子活動多到數都數唔晒！例如溫下習呀、默下書呀，同檢查下功課呀咁，總之就係充實到一個點啦！而最近，有個日本老竇竟然唔同兩個囝囝補習練習無間做之餘，仲同兩個囝囝一齊cos紅白機？嘩，呢個親子活動會唔會太正呀！
話說，呢位日本老竇早幾日就同兩個囝囝一齊參加咗東京一個萬聖節服裝大賽，而佢哋扮嘅之唔係老竇童年時嘅寶物－紅白機囉！老竇扮主機，兩個囝囝就扮手掣，三個人同時出場都不知幾有氣勢呀！
另外，聽講佢哋呢一身裝扮仲係佢哋全家總動員齊齊夾手夾腳整出嚟嘅?～點呀，是咪整到同堅．紅白機一模一樣呢？
btw，其實佢哋三父子都唔係第一次cosplay㗎喇，佢哋上年都試過齊齊扮lego人啦～
老老77，見到佢哋三父子cos得咁開心，毛毛真係覺得好葡萄呀！唉，點解童年要離毛毛咁遠喎……嗚嗚！
