為何結果不是我想的那樣？唉，開講都有話「人生不如意事十常八九」啦，如果下下結果都係你想咁樣樣，呢個世界就唔會有咁多唔公平嘅事發生啦！就好似呢位台灣網民咁，佢明明叫咗個「蕃茄蛋炒飯」㗎嘛，點知佢一打開個飯盒先發現……原來個伙記畀錯咗個「蕃茄炒蛋飯」佢喎！

大家知唔知道「蕃茄蛋炒飯」同「蕃茄炒蛋飯」最大嘅分別喺邊度呀？嗱，咪就係喺啲飯度囉！如果啲飯係有炒過嘅話，佢就係蕃茄蛋炒飯；但如果啲飯係好似而家咁白雪雪嘅話，咁佢就係蕃茄炒蛋飯嚟喇。

雖然呢兩個飯就咁睇個名係差唔多，但對一個有要求嘅人嚟講，呢兩個飯係好大分別㗎lorrr（偽ABC tone）！計毛毛話，如果想做到貨勁對版嘅話，就應該向呢間餐廳取經啦～

大家睇下，呢啲先叫堅．蛋包飯呀！

Btw，其實而家畀錯咗個「蕃茄炒蛋飯」又點喎？阿伙記都畀齊啲材料你啦，自己shake一shake咪一樣，不用分那麼細啦（好似係）！

資料來源：美伶劉／爆廢公社、dcard

延伸閱讀：真正嘅蛋包飯應該係咁樣樣！