中學雞嗰陣個個都著住校服，真係好難喺咁多女仔之中突圍而出，成功吸引到男神目光㗎！雖然返學唔畀染髮，不過女同學就可以電髮啵（其實係咩邏輯…），但係電個頭要成幾百蚊，中學生邊有咁多錢呀你估個個都靠父幹咩，想梳個女神頭返學又想慳錢嘅話，就要學下呢個同學喇！

上堂無無聊聊，不如幫同學set返個靚頭啦！同學本身把頭髮就又長又直，成個典型清純學生咁嘅～

之後就開始用原始方法「電髮」喇！要整攣頭髮，紥三手辮是常識吧。不過上緊堂又邊會有咁多條橡筋呀，呢個同學就諗到用原子筆嚟固定喇！

唔好亂咁郁呀！小心個頭散晒就前功盡廢喇！為了靚靚，你要忍耐下呀！

等咗成堂，終於可以拆開啲辮仔喇～成個八爪魚怪獸咁呀～

燈燈燈凳～大功告成喇！同學把頭髮而家直中帶攣，攣中帶直，自然得嚟又睇得出有落心機set過喎，真係好有仙氣呀！

雖然睇落成件事好似好無聊，不過有個肯陪你一齊癲嘅同學，真係今生無悔。毛毛都諗起中五嗰年上美術堂畀我唔小心剪到條馬尾個女班長呀，唔知佢而家點呢？

封面圖片、資料來源連結：茜呦

【上堂必玩系列】

【中學回憶錄】儲擦紙膠碎嘅極致就係整火柴人！

呢條氣質手鍊竟然係用釘書釘整嘅？！

【你睇我唔到】呢個咪係上堂隱身大法！