仲有幾日就Halloween喇，喺香港，啲舖頭同餐廳最多咪掛幾隻蝙蝠佈置下，或者推出堅係殺到你一頸血嘅萬聖節大餐。外國人過Halloween不嬲都玩得癲過我哋好多，創造力量同幻想真係會嚇你一跳呀！

今次帶大家睇嘅就係呢間喺紐約嘅舖頭喇！招牌上面披咗一大塊白色布，擺係明扮鬼啦！布上面仲寫住老麥個名?，睇落都幾得意吖，不過唔係話特別啫，咪又係老麥。

你咁諗就錯喇！你以為自己幫襯嘅真係老麥咩？一打開盒漢堡包，咦？說好的巨無霸呢？原來呢間咁古怪嘅老麥，其實係Burger King扮㗎！唔好咁sad啦，大家都是漢堡包，不用分哪麼細啦！

竟然諗到成間舖頭，連埋個漢堡包紙盒都扮做自己死對頭老麥，真係有創意我鍾意！成件事大膽得嚟又幽默，個關公真係好強呀！唔知麥當勞叔叔又會唔會扮返白頭佬上校或者218 5個刑呢？等毛毛call下佢先～

封面圖片、資料來源連結：business insider