就嚟轉季喇，一諗到冬天可以著住厚厚嘅冷衫包實自己，就覺得好舒服好有安全感！日本不嬲都係潮流指標，等毛毛轆下twitter睇下而家佢哋興咩款冷衫，搵下靈感先！

日本有個網民就同大家開心些牙佢件米色嘅樽領冷衫喇。嘩，乜件冷衫窄到咁樣樣嘅？叫人點著呀？唔知洗完縮水定上網買衫中咗個大伏呢喂？

聽講日本同台灣嘅舖頭都好鍾意用呢啲吹氣公仔吸引人注意，一邊用強力風機喺下面吹上去，隻本身軟皮蛇咁嘅公仔就會郁郁下，對手又揮揮下咁，無聊得嚟都幾治癒㗎。唔知件變種冷衫是咪畀吹氣公仔著嘅呢？

聽講而家有啲app可以強行拉長對腳，42吋筷子長腿不是夢！嗱，毛毛唔係話Cammi bb P圖呀，係話就算你得150cm都可以執到好似佢咁索咋！件冷衫可能都係著咗PS裝甲啫，嚇毛毛唔到嘅！

ちょっと待って、頼んでたタートルネック届いたけど何これ
えのき茸かよ pic.twitter.com/Fs66LT6tam

— まろ (@mronymous_04) October 26, 2016

封面圖片、資料來源連結： mronymous_04／twitter、 N2Q8／twitter、cammibbb／instagram