有時得一個人，遇到間舖頭做緊買一送一優惠真係唔知多唔多謝佢好呀，好似台式飲品咁呀，一次過點飲兩杯啫，但係話唔使送又好似好蝕底喎，真係寧願佢直接半價好過啦！

台灣個網民都話佢媽媽買完嘢飲返嚟之後，將送嗰杯擺咗入雪櫃，不過就大頭蝦，完全冇咗件事，搞到杯嘢飲一擺就擺咗兩日呀！雪咗兩日，最多都係變味啫，但係杯凍飲竟然變到咁樣樣！

媽！好核突呀！個發泡膠杯嘅表面有好多好多好多多多多多一點點嘅倒汗水呀！啲倒汗水其實係喺杯嘢飲入面滲出嚟嘅，所以咪啡色囉，真係睇多眼都打晒冷震呀。

到底成件事係飲品對自由嘅追求，定係發泡膠杯嘅不挽留呢？原來發泡膠本身就唔係完全密合嘅，中間有好多細細嘅gap gap，正常情況下就唔會令水分流出嘅，但係雪過之後，發泡膠就會收縮，條gap都會變大，飲品就滲咗出嚟喇！今日真係學到好多嘢呀，呢個故事教訓我哋，得一條友千祈唔好貪小便宜拎多杯嘢飲返屋企雪呀！

封面圖片、資料來源連結：王佳玲