毛毛都明嘅，有時候朝早趕返工返學搞到冇時間食早餐，真係惟有買個包上巴士食㗎咋！之不過有啲人唔知係咪食開有條癮，又或者係覺得喺巴士食嘢寧舍有風味呢？居然他條到一邊搭巴士，一邊剝蛋殼喎！

有大埔街坊搭巴士出觀塘嗰陣發現，架巴士居然一地都係雞蛋殼，仲要連續兩日都係咁呀！雖然話風吹雞蛋殼，財散人安樂啫，但係做人冇公德心成咁，真係會安樂咩？

唔單止佢呀，有其他街坊都見到，最估唔到係…原來最後掃走啲雞蛋殼嘅，係個巴士司機呀！

揸完車仲要幫手執垃圾，真係辛苦晒司機大佬！喂老老竇竇，其實食完掉返啲垃圾落個膠袋度等落車先掉係咪咁難呢？定係咁樣食……真係好味啲㗎？毛毛睇唔透呀！！

圖片來源、資料來源：Tai Po 大埔