喺呢個宇宙入面，都應該冇人可以猜度到主子嘅心意㗎喇。好似呢個日本網民咁，專登訂個三層高嘅貓架諗住畀主子玩，點知主子唔騷佢不特止，仲走埋入去用嚟送貨個大紙箱?！

當你以為佢對個貓架冇興趣咩，佢第二日又走咗上去個貓架度喇喎！你又真係吹佢唔漲㗎！

老老竇竇，計毛毛話，使乜買咁多咩玩具畀主子吖！你睇下，呢隻喵星人連廁紙都玩一餐，仲留晒腳印喺上面?呀！

其實呢個主子都算對我哋啲貓奴唔錯㗎喇，玩完仲會留返啲肉球壓花畀你。你睇下，成卷廁紙即刻變到好似藝術品咁，真係要講返句：謝主隆恩呀！

圖片來源、資料來源：Enid Huang／‎貓咪也瘋狂俱樂部 CrazyCat club