好多人聽到手作兩個字就怕怕，話好難呀自己做唔嚟呀咁，其實D.I.Y.唔一定係由零開始嘅，識得化腐朽為神奇一樣咁堅揪！

呢把古董槍咁靚咁仔細，肯肯定係喺隱世古董舖尋寶嘅時候買到㗎啦，真係可遇不可求呀～

唔講你唔知，一講你就知呀！其實把古董槍係由一位日本超強網民親手整出嚟㗎！材料好簡單，首先你要有一把喺模型舖都買到嘅硬膠膠玩具槍，同埋一對巧手。

之後就可以用顏料上色喇，佢用齊金銀銅色，再用少少黑色做舊，堅係認真呀！加埋啲齒輪，就似到十足十喇！係咪就算知佢用咩材料，都覺得自己冇可能做到呢…… 

燈燈燈凳！完成喇！有邊個諗到，眼前呢個18歲嘅姑娘，6年前只係個12歲嘅小妹妹呢？又有邊個會諗到，眼前呢把靚到嘩一聲嘅古董槍，大翻身之前，只係把硬膠槍呢？ 

Cosplayer扮動漫人身扮得似模似樣就係人都知呀，你又知唔知佢哋整道具都一樣咁叻先？台灣有位神手Cosplayer都用膠槍改造咗把超精細嘅古董槍出嚟呀！

唉，點解人哋膠槍都可以變古董槍，但毛毛就連藥箱變首飾箱都唔識呀……

before→after pic.twitter.com/EPtN4FZPPe

— しゃち (@uttate) October 29, 2016

封面圖片、資料來源連結： uttate／twitter、Ely Cosplay