次次去到主題公園，見到啲鯨魚又識轉圈又識跳水，真係覺得成個世界好美好㗎，但原來我哋眼前嘅，始終都係人類製造出嚟嘅假象…… 

呢條殺人鯨特登游埋去池邊，仲喺口入面吐咗條魚仔出嚟，好似想請班八八卦卦嘅雀仔食咁呀！咁又係嘅，長輩圖都有教啦，分享是美德吖嘛～

不過班雀仔都淨係企定定望嚟望去，冇食到條魚仔呀，唔知佢哋係覺得殺人鯨有口臭呀，定驚食咗佢口水尾要以後聽晒佢話先唔食呢？

殺人鯨見話門都係客，班雀係都唔食，佢作為主人家都好冇面啫，於是就落多幾錢肉緊，口擘擘咁叫雀仔食啦食啦。

「大家都咁禮讓，咁我唔客氣喇！啱啱糧尾呀吱吱！」終於有一隻雀仔見到咁大份禮，有食唔食，罪大惡極，走埋去想食條魚仔喇！

點知呢個moment，殺人鯨竟然擘大個口，一嘢食咗隻雀仔去！「叫咗咁多次都唔食，係都要落我面呀，敬酒唔飲飲罰酒，咁我食你啦！」大自然，始終都係弱肉強食嘅，殺人鯨夠聰明，咪做到最後贏家囉……雀仔R.I.P.。Between，其實我哋會唔會一直叫錯咗殺鳥鯨做殺人鯨呢？

シャチ「鳥さん、お魚おすそわけやで（ﾆｯｺﾘ」
鳥「ええんか？？貰うで？」
シャチ「遠慮せんで、ええんやで＾＾」
鳥「いただきまー」
シャチ「すまんやで（ﾊﾟｸｰ」 pic.twitter.com/kl1gQEpS4l

— しきしま (@OnAndGo) October 31, 2016

封面圖片、資料來源連結： OnAndGo／twitter