毛毛都好耐冇試過坐車返屋企喇，咁梗係唔係由公司行返去咁好腳骨力啦，講緊只係「搭車」，唔係「坐車」呀！一陣坐低咗又攰到瞓著，畀人影上網公審點算呀！

唔知人類有位都唔敢坐呢件事係咪傳到去雀仔界呢，北海道有隻雀仔竟然親身搭地鐵，睇下呢個傳聞係咪真㗎！佢上到車一邊行一邊巡視，睇下有冇廢青濫用關愛座！

哼，呢個中女未夠65歲就坐，正廢青！吱吱！

唔知佢係咪已經對呢班車嘅廢青絕望，想轉車睇下有冇社心良心出現呢，點知佢一行埋道車門，道車門就立馬閂埋，嚇到佢鳥都縮晒呀！連雀仔都蝦，道門都一定係廢青！小心車門夾雀仔呀！

唉，畀車門嚇親咁需要坐低定驚都仲係冇人讓座畀佢，雀仔就唯有帶住唏噓嘅身影慢慢遠去…… 

唔知日本嘅動物都係咪特別鍾意搭火車周圍去㗎呢？之前都有網民影到喵星人遊車河，簡直好似真實版《夢幻街少女》咁呀！

香港雖然冇小動物，不過有昆蟲睇都唔差呀，嗯嗯…… 

いやそんなことある？ pic.twitter.com/7uKHy3VpJN

— s.r (@ShikanaiRyohei) October 29, 2016

封面圖片、資料來源連結：ShikanaiRyohei／twitter、2ch