時代唔同㗎喇，以前就話男主外女主內啫，而家搵食艱難，媽咪唔返工邊夠錢錢買奶粉粉同尿片片呀？老竇就辛苦啲，收工幫手湊下BB喇～

不過成日都聽人講唔可以畀老竇自己湊阿B，唔知係咪真㗎呢？冇事嘅冇事嘅，自己個BB喎，做老竇嘅點會唔錫到佢燶呀！好似呢個老竇咁呀，就特登喺屋企摷咗對護膝畀B女喇！你知啦，小朋友啱啱學行，好易行兩步就跌一跌㗎嘛，畀個護膝佢就fit晒！

不過，對護膝，點解咁熟口面嘅…… 睇真啲，原來係媽咪嘅nubra嚟呀！媽咪見到實潰已崩喇，唔知老竇入院要住幾多晚呢…… 不過咁，對nubra曾經為爸爸媽咪帶嚟美滿嘅緣份，而家老竇都係延續呢份愛啫！

封面圖片、資料來源連結：龔鈺荃