而家啲後生仔，通常老死同bb豬生日就會勁重視，早成個月就開始親手整定禮物，但係屋企人生日呢，就淨係出街食餐飯就算，幾大細超呀！其實屋企人都一樣好期待你為佢準備嘅心意㗎！

台灣有個乖孫女見公公80大壽，所以特登整咗個大蛋糕畀佢呀！呢個蛋糕就巴閉喇，可能佢驚用牛油同糖整唔係咁啱老友記食啩，竟然用三萬蚊台幣整咗呢個銀紙蛋糕賀公公大壽！

公公本身以為班馬騮係用假錢整嚟玩下呃下like，就只係笑笑口坐定定就算，一知道原來係珍珠都冇咁真嘅銀紙，即刻企起身攬到實一實，仲開心到見牙唔見眼?！不過公公都體諒班後生搵錢辛苦，只係影完相就畀返佢哋喇，大家都咁錫對方，真係好sweet呀！

有網民見到，都話今年佢家姐生日，老竇送咗呢個銀紙蛋糕畀佢呀～嗚呀，毛毛係唔會葡萄㗎，最多提子下咁囉！

話時話，好彩乖孫女冇學日本個網民咁，喺蛋糕上面插夠同歲數一樣嘅蠟燭咋，唔係阿公實拎個拐仗扑死你！

冇個乖孫咁霸氣送銀紙蛋糕都唔使灰9嘅，一家人最緊要齊齊整整嘛，就算你送個咁樣樣嘅Elsa公主蛋糕，阿公都一樣開心㗎！

封面圖片、資料來源連結：dcard、freekick／PTT

延伸閱讀：【老子甚麼都不怕】阿嫲68歲生日 我咪插夠咁多支蠟燭囉