作為一個貓奴，定期向主子進貢是常識吧。不過普通嘅罐罐又點會滿足到主子呀，想襟撈啲嘅話，一定要花啲心思先得！

主子身份高貴，全身每個部份都係氣質嘅表現，就算係甩落嚟嘅每條毛，奴才都唔可以亂咁掉落垃圾桶對主子咁大不敬㗎！呢個超強貓奴就利用主子嘅順滑靚毛，整咗朵花獻畀佢喇。

高貴嘅主子加上玫瑰花嘅襯托，成陣貴氣湧緊出嚟呀。

除咗玫瑰花，呢個手工達人仲整咗隻鴨仔出嚟服侍主子左右呀！鴨仔得閒仲會爬上主子背脊幫佢按摩，睇主子嘅眼神，就知佢對呢個小跟班都幾滿意啦！

將鴨仔擺喺頭上面，主子就成功打造咗2016秋冬最潮嘅look喇！睇落同Twins個演唱會天鵝look幾似啵～

咁多位奴才，無論你主人係喵星人定汪星人都好，係咪都好想整朵花進貢呢！呢個超強貓奴好好心機咁整埋教學短片，想討主子歡心就學嘢喇！

封面圖片、資料來源連結： Émilie Depp

延伸閱讀：

【最潮柴狗】修毛已經慘，仲要畀主人整蠱…

【尖尖尖～】聖上，奴才用你哋甩嘅毛整咗頂帽進貢呀！