畫黑板，應該都係大家嘅集體回憶嚟啦。有邊個細細個返學嘅時候，冇試過趁老師唔喺度嗰陣偷偷哋畫黑板吖？只不過好多時畫嘅可能只係火柴人，又或者係寫邊個鍾意邊個咁囉…最近台灣就出現咗個很強大嘅老師，竟然用黑板將名畫《最後審判》神還原出嚟呀！

話說前幾日已經有學生見到呢個老師喺黑板上面默默畫上咗第一個雕像，開頭都以為佢只係玩下就算㗎喇，點知隔咗幾個鐘之後先發現老師愈畫愈多，原來佢堅係認真想要畫晒成幅名畫出嚟呀！

老師仲要喺自己facebook講，話黑板畫其實唔難，只要素描基礎夠，就好容易上手咁樣樣喎。係呀其實真係唔難，只不過毛毛連素描基礎都冇咋嘛…

畫咗差唔多兩日，呢幅《最後審判》黑板畫終於都完成喇！佢唔單止成為咗學校嘅熱門景點，仲喺網上面瘋傳爆紅?喎！

介紹返，呢位老師叫做翁漢騰，係數位媒體與文教產業學系嘅教授嚟。其實佢之前已經試過喺黑板畫Iron Man，仲要上埋色?呀！

睇到呢度毛毛都唔知講咩好喇，冇咩事我去執返個下巴先。55。

圖片來源、資料來源：Hank Ha