2016年11月03日 星期四
【陰魂不散】只係擺咗一晚，比卡超就回復真面目
早幾日萬聖節，毛毛都帶大家睇過日本仔點樣瘋狂慶祝法啦，見到佢哋可以由打工仔嘅喪屍軀體入面釋放靈魂，真係覺得好正呀！不過唔講你唔知呀，原來日本嘅萬聖節仲有更加瘋狂嘅另一面㗎！
呢幾個後生仔企喺人群入面拎住個牌，係咪寫住Free Hug之類呀？咁warm嘅活動好似同萬聖節有少少唔啱style喎。
原來佢哋寫住嘅係「好想做愛做的事」呀……而呢位個樣表面好pure好true嘅掌門人先生，就寫住「今晚讓我上吧」……唉，後生仔，你哋咁做真係大錯特錯喇！唔通你哋！唔通你哋就唔驚中伏咩！
就好似呢個網民咁呀，佢開開心心咁帶咗好多新朋友返屋企，其中包括面圓圓、個樣得得意意嘅比卡超～
但開心嘅時刻過得特別快，春宵一刻過後，網民一起身，竟然見到比卡超變到咁樣樣呀！明明前一晚熄咗燈，都覺得你幾索㗎，估唔到真面目原來咁驚嚇㗎，今次真係中咗個大伏喇……
呢個溶晒妝嘅卡比超仲要一臉無辜咁望住網民，好似問緊佢「做咩嘅眼神望住我呀？我塊面有污糟嘢咩？」
呢個故事教訓我哋，千祈唔好亂咁帶人返屋企，一晚之後，更加唔好亂咁開燈呀！
