廢青們有福鳥！事關港人最愛嘅日本最近推出咗個「可信旅客計畫」，由11月開始，只要你符合資格又登記埋，就可以用電子通道光速入境喇！即係好似我哋用開嘅E道咁呀！

毛毛一諗起第時可以快啲去行街掃貨食刺身食拉麵…（下刪一萬字），真係濕濕哋呀對眼。之不過咁，呢個計劃都條件多多㗎！好似要喺申請前一年至少入境日本2次啦、之前冇試過畀日本拒絕入境或者係重大犯罪同罰款等等……毛毛身為愛國分子，為咗可以用銀紙令日本貨下架，呢少少嘅條件又算得係啲咩吖！但係強國人就冇咁好彩喇，因為今次呢個計劃居然有齊晒香港、台灣同澳門，但係冇佢哋份呀陰公！

實在太可惡喇！強國人咁支持你哋日本仔，又幫襯你哋買啲小學生書包，藥妝電器嗰啲都唔使講喇：

之前仲有強國人拎走埋日本酒店嘅自動廁所板，呢一切都係愛嘅表現呀！

而家個計劃居然冇強國份，真係太過份囉！要不是強國照顧你們日本，你們早就完蛋了！唉毛毛好似聽到啲玻璃碎聲喇…嗚嗚…

圖片來源、資料來源：immi-moj.go.jp