2016年11月04日 星期五
【至死不渝的愛】識用一定係用殯儀花圈求婚！
乜嘢叫做愛？肯送嘢畀你、肯同你周圍去、肯喺facebook in a relationship with你呢啲就叫做愛？計毛毛話，至死不渝嘅先叫做愛呀嘛！而最近，喺重慶大學城熙街，有位來自強國嘅朋友仔可能想表達自己對女朋友嘅愛有幾咁至死不渝啦，佢竟然醒到用殯儀花圈嚟求婚喎……嘩！乜咁搞法呀？
而且個「奠」字仲要寫到雞乸咁大隻?……
老老77，比著毛毛係呢位強國醒目仔條女嘅話，收到個咁嘅花圈應該會即時摑佢14巴……不過好彩，呢條女女就冇毛毛咁唔好老脾，佢見到花圈正中間寫住咁大個「奠」字都只係摑咗佢一兩巴再黑晒口面咁走咗去啫～
btw，唔通呢位醒目仔喺度同佢條女做EQ大測試又要話你哋知咩？
資料來源：我愛重慶／微博
