之前日本有間電視台喺北海道做街頭訪問，拎住隻生勾勾嘅小強問民眾知唔知呢隻係乜東東，當地人竟然表示從來未見過呢種生物，甚至以為係獨角仙呀！嗚呀，無知都可以係一種幸福嚟嘅，毛毛都好想搬去北海道呢個凍到冇小強嘅地方呀！

北海道人就話未見過小強，對小強好有興趣呀，但我哋呢啲生活喺小強世界嘅人就唔係咁諗喇，見佢前面憎佢後面呀！嘩！呢件蛋糕就咁擺喺度，又唔用個防蠅網罩住，唔驚畀小強食咗呀？

打開件蛋糕嚟睇，真係有大大隻小強喺入面呀！不過都好彩係完完整整嘅一隻，如果咬開見到得半隻你仲崩潰呀，因為咁就表示有半隻喺你口入面……

其實蛋糕入面隻小強係假㗎，有個台灣網民特登買咗一大盒假小強賀佢朋友生日呀～雖然知道係假，不過都一樣覺得好核突囉！小強真係全宇宙最恐怖嘅生物呀，你玩還玩，用其他昆蟲都好啲呀！

少年，你太年輕了，你以為見到其他昆蟲就真係會比起見到小強好過咩？如果見到螞蟻你又驚唔驚先？唔好咁快答毛毛住，睇埋呢張圖先講嘢！台灣有個網民話佢只係擺咗個飯盒喺枱面十分鐘，就已經畀螞蟻兵團攻陷咗喇！真係睇到都覺得周身痕，唉本身仲諗住今晚食芝麻飯糰?……

封面圖片、資料來源連結：dcard、楊小麥 

延伸閱讀：【電視台街頭訪問】北海道冇小強？路人第一次見仲以為係獨角仙