開講有話，粒粒皆辛苦。農夫咁辛苦種農作物出嚟，就梗係希望可以順順利利咁收割，唔好畀害蟲或者雀仔破壞佢哋嘅心血啦，所以啲農夫咪出動稻草人嚟嚇走啲雀囉。嗱，稻草人大家就見得多吖，唔知兩層樓高嘅稻草哥斯拉大家又見過未呢？

是咁的，其實呢隻咁霸氣嘅稻草哥斯拉係專程為咗日本福岡縣一年一度嘅收穫祭（ど～んとかがし祭）而整嘅。呢個收穫祭每年都會有隻造型特別嘅稻草人做吉祥物，上年係巨型野豬，今年就輪到哥斯拉嘞！

聽講呢隻哥斯拉仲係先用木同竹做骨架，然後再一層一層咁用稻草編織，最後先加對眼仔同爪上去㗎～製作保持日本人嘅一貫做事認真細心嘅風格，勁呀！

資料來源：nia_zoukeibu／twitter