老老77，雖然壽司蛋糕已經唔係啲咩新鮮嘢，甚至喺香港都會買到，之但係，當你生日嗰陣真係收到個壽司蛋糕嘅時候，成件事就唔同講法㗎啦！而最近，有位日本網民都喺自己17歲生日嘅時候收到個巨型拖羅軍艦蛋糕喎！一齊睇下～

嘩！鮮甜嘅拖羅加上蔥花同醬油嘅點綴，呢個配搭真係perfect池～唔係講笑，真係望多兩眼個巨型拖羅軍艦蛋糕都出晒口水！而呢位網民就話，其實之前都只係講笑咁講話想要個拖羅軍艦蛋糕，估唔到正日生日嗰日真係收到喎，所以真係好實派呀！

btw，個拖羅軍艦蛋糕咁大個，你班友仔食唔食得晒㗎？唔介意嘅話，毛毛都可以幫幫口㗎喎……嗯，冇咩嘅話，毛毛出去拎個地拖拖返地下啲口水先。

資料來源：bunbun_114／twitter