眾所9知，泰國有位低成本cosplay大師「Lowcostcosplay」，乜嘢角色都難佢唔到，真係好出色！而最近，喺台灣有班來自海事資訊科技系嘅男同學仔都唔輸蝕，一樣將低成本cosplay嘅精神發揮得淋漓盡致，cos咗《唱K小魚仙》入面嘅七大洋珍珠美人魚出嚟？

er……又真係幾low cost喎！

呢班同學仔就話，其實佢哋之所以毛啦啦cos珍珠美人魚，係因為學校要求一年級生做一個同海洋有關嘅創意表演，於是佢哋咪靈機一觸，諗到cos珍珠美人魚上台表演囉！呢個造型都不知幾受大家歡迎～

另外，呢班同學仔仲同大家開心些牙佢哋今次嘅低成本cosplay用咗啲咩材料，材料包括：紙碗14隻、摟＿裙7條、廁所刷7個、尼龍繩同水彩。而對於點先可以cos到珍珠美人魚嘅神髓呢？呢班同學就表示：「顏色對了，感覺，就都對了。」

嗱，既然呢班同學仔咁用心cosplay，大家就不妨細心欣賞下喇喂！請慢用：

粉紅珍珠歌聲～藍色珍珠歌聲～（低八度）綠色珍珠歌聲～大家想唔想再encore呀？

資料來源：dcard

延伸閱讀：【完美神還原】呢個咪畀技安打完嘅牙擦仔！