睇過《蠟筆小新》嘅都知小新嘅朋友阿呆好鍾意收藏石頭，而呢位來自意大利嘅藝術家Roberto Rizzo Pittore都一樣，平時會收集唔同形狀嘅石頭。不過佢同阿呆唔同嘅係，佢除咗會收集石頭之外，佢仲會喺啲石頭上面畫動物，而且啲動物仲要畫到好似真嘅一樣咁呀！

喂，你做咩用支筆指住主子個頭呀？小心主子陣間龍顏大怒會咬9你喎！

點呀？大家見到呢隻貓貓嘅貓毛畫得咁細緻，係咪唔講仲以為呢隻係堅．貓貓嚟呢？不過有片有真相，隻貓貓真係靠Roberto Rizzo Pittore一筆一筆咁畫落嚿石度畫出嚟㗎。而除咗畫貓，呢位藝術家畫鸚鵡呀魚呀大笨象呀咁都畫得好似㗎啵～

btw，弱弱一問，呢位藝術家唔介意嘅話，可唔可以幫毛毛畫我家主子喺嚿石頭度呀？

資料來源：Roberto Rizzo Pittore