唔知點解個個阿媽對手都係神之手咁，明明都一樣係煲飯，一樣落咁多水，阿媽煲嘅就硬係好食啲，大家都係煎蛋，阿媽煎嘅又硬係香啲㗎啵，唔通全世界嘅阿媽都喺「阿媽訓練學校」畢業出嚟嘅？

如果真係有呢間學校，咁日本呢個媽媽就一定係科科A嘅學霸喇！呢兩碟超迷你咖喱蛋飯同海鮮拉麵咪就係佢整㗎囉！可能你心諗：唓～黏土藝術咋嘛，興咗好多年啦，有咩咁特別呀！

嗱，咁諗你就錯喇！呢兩碟超迷你食物，其實係曲奇餅嚟㗎！真係食得落肚㗎！阿媽連啲蔥花都整得咁仔細，果然係神之手！整曲奇餅都整得咁強，煮飯嗰陣咪煮九大簋咁樣樣？！

唉，阿媽呢兩塊曲奇好似藝術品咁，毛毛都係學唔嚟㗎喇，冇咩事我都係返出去整普通曲奇算喇……

點解整完出嚟，個樣好似怪怪地咁嘅……不過樂觀啲諗，都算係另類藝術嘅，55。

母の作ったアイシングクッキー
そろそろ意味がわからん pic.twitter.com/WxB712QGCr

— kawakami chikoto (@96ckt_d) November 5, 2016

封面圖片、資料來源連結：96ckt_d／twitter

延伸閱讀：【整容失敗】發到豬頭咁嘅麵包超人