有時喺街上面見到玩Cosplay嘅人，都會忍唔住望多幾眼，欣賞下套99%似嘅衫，同埋喺心入面偷偷地羨慕佢哋可以做到自己鍾意做嘅事……不過其實我哋大家都自細就流住Cosplay嘅血，只係你唔知啫！你有冇試過拎住支晾衫竹扮孫悟空呀？有冇試過拎住把掃把扮《魔女宅急變》個琪琪呀？

扮孫悟空同琪琪都話易啲呀，毛毛細個嘅時候最鍾意就係小櫻！但係小櫻支魔法權杖又有羽毛又有個不知名雀仔頭，叫人點扮喎！如果一早識得呢個超強日本網民咪好囉，可以叫佢整一支畀毛毛玩下吖嘛！

呢支160cm高嘅小櫻魔法權杖，唔係買返嚟，而係由日本一個超強網民親手整出嚟㗎！對翼打開嘅時候，仲有成150cm咁闊，真係好有霸氣，好似真係識飛嘅咁呀！

個網民仲post出埋佢D.I.Y.嘅過程出嚟，都係噴下油又黐嚟黐去咁囉，睇完都唔會識得整㗎喇，算罷啦。

Between，可能佢想表達自己完成咗呢件咁出色嘅傑作之後有幾開心，或者想話畀大家知支權杖同真人嘅比例啦，於是就畫咗個人仔上去……睇完咁多張相，毛毛應該淨係得呢一part識得跟住做。

出来た( ´=ิ◞౪◟=ิ｀)❤️ 王道っ・・・・！！圧倒的王道っ・・・！！！長さは羽入れて160cmくらいで、横幅も150cmくらいある( ´=ิ◞౪◟=ิ｀) 飛べそう( ´=ิ◞౪◟=ิ｀)❤️ pic.twitter.com/VQQXLZHh2p

— 大根ください (@unicco) November 7, 2016

封面圖片、資料來源連結：unicco／twitter

延伸閱讀：【蘊藏住黑暗力量嘅鎖匙】日本扭波高手連小櫻魔法棒都扭到！