求婚嘅手法真係層出不窮！德州一名男子Cameron Ross將一位妙齡女子McKenzie Parker呃上一千呎高空，然後⋯⋯然後竟然畀個咁大嘅驚喜人哋？好衰㗎。

Cameron同McKenzie係一對情侶，喺一年前，男方已經開始計劃呢個升空求婚之旅。

佢仲動員埋屋企人一齊幫手預備道具，求婚Banner就足足用咗25張King Size床單同60罐噴漆完成。真係少啲心機同耐性都唔得掂⋯⋯

古乳有暈，天都有不測之風雲。由於「唔～天氣不似預期」，佢嘅求婚計劃一次又一次推遲。

到咗今年十月，天公終於造美，畀咗個好天氣佢哋，呢齣求婚戲碼終於上演！

最後女友McKenzie喺一千呎高空答應咗Cameron嘅求婚，佢哋嘅人生準備步入新嘅一頁。

毛毛係一名毒L，唔L識浪漫。Ross先生你咁有心思，抵你求婚成功嘅！

不過，你set到個求婚標準咁高，你叫啲男士們以後求婚點算呀！做壞規矩喎～

封面圖片及資料來源：DailyMail、NewsFlare