老老77，有幾多人著連帽T嘅時候係會戴埋頂帽㗎呢？如果唔戴嘅話，咁頂帽嘅作用又係咩呢？最近，有位台灣妹豬就發現，其實連帽T頂帽唔一定要嚟戴嘅～用嚟裝嘢都一樣得啫，得咗！

話說，呢位妹豬嘅男朋友見佢肚餓，咁咪買包鹽酥雞過佢食囉，不過呢位妹豬可能見攰啦，佢竟然懶到將包鹽酥雞塞咗落男朋友頂帽入面喎！唔止呢包鹽酥雞呀，就連呢杯大大杯嘅台式飲品都一樣照塞埋落去～

咁又係嘅，就算有機會整污糟男朋友件衫咁又點吖？最緊要係方便到女朋友呀（好似係）！

btw，雖然用男朋友頂帽嚟裝嘢食真係既方便又快捷，但話晒你哋都喺條粗心大意嘅公路度，都係注意一下安全好啲～開講都有話「緊握扶手，就永冇甩拖」呀嘛！係咪呀，胡楓太郎？

資料來源：dcard