話到明「路上零意外，洋腸人人愛」，當然呢位英國女士都唔例外，一樣咁鍾意腸啦！而且佢仲鍾意到年年聖誕開party嗰陣都實會玩腸?～點玩法？之唔係用腸仔砌唔同嘅場景出嚟咋嘛！

話說，呢位女士由2012年開始，每年聖誕都會用腸仔砌唔同嘅場景出嚟。就好似上面呢個《誰又騎著那鹿車飛過》咁，除咗有用牙籤做角嘅鹿仔之外，仲有用煙肉整成嘅雪橇～

而呢個就係聖誕老人屋入面嘅場景嘞，大家睇下聖誕老人幾咁努力點9啲聖誕小精靈做嘢！

嗱，一家人最緊要齊齊整整，見到呢個洋腸家族加埋後面棵煙肉聖誕樹，係咪即刻feel到佢哋嘅kind of sweet呢？

最估佢唔到嘅就係聖誕流流竟然會有個beach， 即係沙灘喎！

老老竇竇，啲腸仔場景整得似唔似就見仁見智，不過心思嘅嘢你哋都係識條腸㗎喇……最後都係爾康嗰句啦，不要玩食物，玩完食返佢，咁咪最perfect池囉！

封面圖片、資料來源：Metro、電影《洋腸派對》截圖
延伸閱讀：【神之手】阿媽話整曲奇餅 點知整咗兩件藝術品出嚟！​