你哋班不肖子，平時阿媽叫你食生果你唔食，係都要阿媽切好晒先肯食嘅。好心你哋就學下呢位對批生果皮有一份執著嘅網民啦，佢唔止自己碌柚自己批呀，佢仲要將個碌柚分好晒皮衣核肉?，佢話咁樣先叫做專業剝碌柚喎……專業？邊L度專業呀？等毛毛睇過！

首先，呢位哥仔就用?刀將塊碌柚皮完整不斷開咁?開，而且每段碌柚皮嘅闊度都要一樣。

跟住就可以搣開啲碌柚肉，跟手用鉗將啲核逐粒逐粒咁鉗出嚟。（如果有時間剩嘅話，仲可以將鉗咗出嚟嘅核排好）

然後叫姑娘印完額頭上面嘅汗之後，再慢慢搣走碌柚肉上面層衣。

最後，食落啖啖肉又唔使吐核嘅碌柚肉終於大功告成嚕！

雖然咁樣樣剝碌柚真係好花時間，但學咪咪姐話dry，乜嘢咁隨便，仲邊有人畀面呀？btw，冇咩嘅話，毛毛出返去食阿媽切好咗生果先……

資料來源：魏澤楷／微博