警告：以下全部內容涉及可愛題材，敬請男友留意並為女友作適當輔導。

好打耳好打耳好打耳呀～～～～～～～～～～～

如果可愛有罪，咁呢啲羊毛氈公仔，簡直係罪大惡極呀！

日本有手作藝術家，用羊毛氈設計咗唔同款式嘅動物飾品。

有人見人愛嘅倉鼠仔、有高傲得嚟又得意嘅主子、仲有毛茸茸嘅小熊貓?呀。

每隻公仔喺佢手中都變成真嘅一樣！

呢啲公仔唔只睇得，仲可以變成心口針、髮箍、雙面磁石陪住你出街㗎。

望住佢哋，就可以幫你喺壓力爆燈嘅扮工室鬆一鬆解解壓。

拿唔好話毛毛唔提你，仲有一個月多啲就聖誕節⋯⋯如果畀女朋友見到呢啲羊毛氈嘅話，後果不堪設想！

（毛毛慶幸自己夠晒毒立，完全無呢個煩惱，Yeah！）

封面圖片及資料來源：yukarin5211／Instagram、ysfeltart11／Twitter、ysfeltart