今日11月11號，好多人都知係強國嘅光棍節呀，就算你係唔係單身狗，相信都會趁呢日上網瘋狂掃平貨㗎喇！其實今日仲係日本嘅百力滋日，你又知唔知先？

點解會揀11月11號呢一日？咪就係因為個1字同一枝枝百力滋好似樣囉～呢一日，日本人都會發揮創意小宇宙，盡情表達對呢種國民零食嘅熱愛㗎！不如一齊睇下佢哋點應節囉？

唔少網民都用百力滋砌層層疊，上堂悶悶地玩下都唔錯啵～

仲有拉花高手分別拉咗Pockey個經典紅色包裝盒同埋一左一右嘅Pockey＋Pretz出嚟～好多人喺百力滋日淨係會諗起Pockey，寂寞嘅Pretz見到呢個立體拉花一定會倍感安慰。

大家都玩得咁開心，微型作品攝影師田中達也（Tanaka Tatsuya）又點可以執輸呀！佢出咗名用日常生活入面成日見到嘅普通事物加埋細細粒人仔模型，變做一個個你諗都諗唔到嘅場景～今次佢就將百力滋變做大鋼琴喇～

睇咗咁耐，毛毛覺得最有心機都係呢支Bass！要將咁多枝百力滋啪做長短啱啱好，你估容易㗎？

聽講日本人仲會喺呢一日玩個小遊戲，就係同FD子一人咬住百力滋嘅一端然後向中間慢慢食，食到最後就……你明啦。不過冇人肯同你咁玩嘅毒L，除咗可以對住二次元娘娘玩之外，仲可以買多啲百力滋返去自己啪啪啪嘅，I mean啪開啲百力滋整唔同圖案應下節呀。

封面圖片、資料來源連結：twitter