人有三急，唔屙唔得。

急sss嗰陣最怕搵唔到廁所。搵到廁所咩？又有人用緊。

就算搵到一格無人用嘅廁所，通常又會好污糟。

好喇，真係畀你搵到格又無人用又乾淨嘅廁所，點知個沖水掣竟然喺頭殻頂！

台灣一位網友，日前喺圖書館溫書嘅時候，突然好急想去廁所。

點知，佢一行入廁格就發現，「X，中伏」。

眼利嘅佢察覺到，馬桶嘅沖水製竟然裝咗喺兩米高近天花板嘅地方！

好在呢位網友夠高，伸手都仲沖到廁！

換轉係矮少少嘅人，伸長隻手去到最盡都沖唔到廁。唔通佢沖個廁又要喺廁所助跑跳高咩？一個差錯腳踩落sss坑咪⋯⋯

有網民就話呢個設計，原來係畀努力溫書嘅學生伸展筋骨用㗎喎！

真係對唔住喇，怪錯咗你。

封面圖片及資料來源：Dcard