懶懶豬嘅你哋，學生時期一定試過叫同學仔幫你簽到、交功課。

台灣就有一位同學仔，見老死要返學，咪順手畀埋份功課佢交囉。

點知就出事喇！

呢位同學仔拎到份功課之後，突然之間一個大風吹～

殺佢一個措手不及，成份功課黐咗落塊面到……

功課事小，靚樣事大！好彩個妝冇花到！

但拎起份功課一睇……

嘩！乜咁大個唇膏印喺度呀！？

55，個唇型都幾靚喎～

咪住！份功課人哋㗎喎！仲要咁抵死印落句「電死你」度！

老師收到都唔知會唔會諗埋一邊，再乘機罰佢留堂輔導佢㗎！

咪喇！都係同個FD自首先！

好彩個FD大人有大量，冇嬲嬲豬。

雖然最後個唇印都整唔甩，但話唔定因為呢個烈焰紅唇有得加分呢，嘻嘻！

封面圖片及資料來源：Dcard