而家天氣涼涼地，條BBQ癮又走返出嚟喇！燒雞翼～我鍾意食～BBQ嚟講，又點止得燒雞翼好食呀，燒棉花糖都係必食之一呀！將棉花糖燒到面層溶溶地燶燶地，入面就keep住軟綿綿，真係諗起都想食呀～

不過燒嘢食又要拎咁大堆嘢又要山長水遠去到山旮旯，無啦啦癮起想食燒棉花糖點算呀？好，今日就教大家點樣唔使出去BBQ都有燒棉花糖食啦！首先，你要有……梗係要有包棉花糖先啦傻豬。

台灣呢個同學就諗到喺宿舍入面用香薰蠟燭整燒棉花糖喇！點點燭光加上慢慢被熱情溶化嘅棉花糖，呢個畫面真係好有Snoopy嘅感覺……忍唔住想唱返句：盼可將燭光交給我～因為毛毛都想食呀～

如果覺得用香薰蠟燭燒棉花糖太唯美，想wild少少嘅，都可以試下直接用火機燒嘅，不過如果中毒就閣下自理喇。

其實用蠟燭整棉花糖都唔算好瘋狂啫，起碼燒幾下就食得吖嘛。人哋打風停電，用蠟燭煲公仔麵都係咁啦！只要4個蠟燭一齊煲佢半粒鐘，始終都會滾起嘅！只要有恆心，世人都不能阻止追求美食嘅心！

封面圖片、資料來源連結： dcard（燒棉花糖）、dcard（公仔麵）

睇埋：【係青春嘅】宿舍有宵禁時間 唯有用電線吊個外賣上嚟啦